Tuesday, 24 March 2020

uzaipu

உழைப்பு 

அறியாமை  இருள் கிழிக்க
பகுத்தறிவு  சுடர்விட  
பழமைக்கு  விடைகொடு 
புதுமைக்கு  அழைப்பு விடு 

சிந்திக்கும்  திறனிங்கு 
சிறக்கட்டும்  
புவனமெல்லாம்  செழிப்புற 
புதுப்பாதை  அமையட்டும் 

செய்கின்ற  செயல்களிலே 
திறமையது  வெளிப்படட்டும் 
தரணியிலே  இன்பமது 
எல்லோர்க்கும்  கிடைக்கட்டும் 

உழைப்பதனால்  மட்டும்  தான் 
உயர  முடியும்  ஒருவனால்  இங்கு 
உட்கார்ந்து  கதைபேசி 
உவகையினை  இழக்க  வேண்டாம் 

கடுமையாக  உழைப்பதனால் 
கவலையெல்லாம்  பறந்தோடும் 
காசுபணம்  குறைந்தாலோ 
வருத்தம்  மீண்டும்  வட்டமிடும் 

இனிமையாக  பேசி பேசி  
இதயத்தை  தாலாட்டு 
வறுமை வந்து வாட்டும்  போதும் 
திறமை  உண்டு  மறவாதே 

உழைப்பதற்கு  உற்சாகமாக  புறப்படு 
வழி காட்ட தாயுண்டு 
வாழ்த்துரைக்க  மனைவியுண்டு 
அன்பு கொள்ள  சேயுண்டு
ஆண்டவனின்  அருளுண்டு 


                                                                                   ------த . சத்தியமூர்த்தி  

  

No comments:

Post a Comment