சுதந்திரம்
அகிம்சை வழியிலே அகிலமே
வியக்கும் வண்ணம்
பாரதம் பெற்றது
பார்போற்றும் சுதந்திரம்
குமரிமுதல் இமயம்வரை
இந்தியரின் இதயமெல்லாம்
குதூகலித்து கும்மாளமிட்டது
சுதந்திரத்தில் தான்
சுதந்திரக்காற்றை சுவாசித்தபின்
சுத்தமாய் மாறிப்போனோம்
சாதிமத பிடியிலிருந்து விடுபட
அறியாமை என்னும்
இருளிலிருந்து விடுபட
ஆதிக்க சக்திகளின் கொடுமையிலிருந்து
விடுபட
இன்னுமொரு சுதந்திர வேள்வி
துவக்குவோம்
இம்முறை ஏழை பாழை எல்லோருக்கும்
சேர்த்தே முழுமையான
சுதந்திரம் பெறுவோம்
-----த . சத்தியமூர்த்தி
No comments:
Post a Comment