மன உறுதி வேண்டும்
பன்னீரில் குளித்தாலும்
கண்ணீரில் தவித்தாலும்
ஒன்றாக பாவிக்கும்
உள்ளமிங்கு வேண்டும்
விருந்துண்டு மகிழ்ந்தாலும்
பசியோடு கிடந்தாலும்
தாங்கிக்கொள்ளும் பக்குவம் தனை
தனதாக்கிக்கொள்ள வேண்டும்
இன்பத்தில் மிதந்தாலும்
துன்பத்தில் துடித்தாலும்
இரண்டையும் சமமாக பாவிக்கும்
இதயம் வேண்டும்
சொந்தங்கள் சேர்ந்தாலும்
தனியாகக் கிடந்தாலும்
சோர்ந்திடாத உள்ளம் வேண்டும்
விழுந்து கிடப்பது எழுந்து கொள்ளவே
முன்னிலும் வேகமாய் செயல்படவே
இடைவிடாத முயற்சியே
வெற்றியடையும் இலக்கு
தளர்ந்திடாத உள்ளமோ
சரித்திரம் படைக்கிறது
உறுதியான இதயமோ
வெற்றிகளைக் குவிக்கிறது
------த. சத்தியமூர்த்தி
No comments:
Post a Comment