Monday, 20 April 2020

pothunalam

பொதுநலம் 

பிறந்தவன்  இங்கே  கொண்டு வந்தது  ஒன்றும்  இல்லேங்க 
பிறகு  எனது  உனதுன்னு  பிரிச்சது எல்லா  நடுவுல தானுங்க

ஆத்துல  இருக்கிற  தண்ணி  கூட  இங்கே பொதுவுல  இருக்குதுங்க 
அள்ளிக்குடிக்கிறவ  யாருன்னு  - அது எப்ப  கேட்டுதுங்க 

படைச்சவன்  உள்ளது  அத்தனையும் பொதுவுல  வச்சான் 
கிடைத்தவன்  தானே  தனக்குன்னு இங்கு  பேதம்  பிரிச்சான் 

மாடமாளிகை  கூடகோபுரம்  வானை  முட்டுது  அங்கே 
கிழிஞ்ச  ஓலைக்குள்  புகுந்த  நீராலே  குடிசைமிதக்குது  இங்கே 

ஆக்கி  வச்சதை  அடிக்கி  வச்சி  பார்த்து  ரசிக்குது  அங்கே 
அழுது  ஓஞ்ச  பிள்ளை  பசியைமறந்து  தூங்கும்  கொடுமைதான்  இங்கே

கட்டுகட்டாக  நோட்டை  தினம்  பூட்டி  கொழுத்துக்கிடக்குது  அங்கே 
கிடைச்ச  சில்லரையைக்  கூட்டி கூட்டி  ஏங்கி  தவிக்கிது  இங்கே 

மூட்டை  மூட்டையாய்  அரிசியைப்பதுக்கி பார்த்து  ரசிக்கிது  அங்கே  
பிடி சோறு கிடைக்காம  பசியிலே  ஏழை  கூட்டம்  தவிக்குது  இங்கே

செல்வ செழிப்பிலே  உருண்டு  திரண்டு  மேனி  மினுக்குது  அங்கே 
உடல்  கூட்ட  மீறியே  எலும்பு  வெளியிலே  எண்ணமுடியுது  இங்கே 

உலகமே  தன்  காலடியில்  என  கொக்கரிக்குது  அங்கே 
விடிஞ்சபொழுத  எப்படி  போகுமோன்னு  மருண்டு  முழிக்கிது  இங்கே  

தேவைக்கு  மேலே  சொத்து  சேர்ப்பதை  தடுத்து  நிறுத்தனும் 
தெய்வம்  தடுத்தாலும்  சட்டம்  எதிர்த்தாலும்  புரட்சி  வெடிக்கனும் 
சமதர்ம  சமுதாயம்  தோன்றும்வேளை  ஏற்றத் தாழ்வு  மறையும் 
மண்ணிலே  விளையும்  அத்தனையும்  சமமா  மக்களைச்  சேரும் 

                                                                                  -------------த. சத்தியமூர்த்தி 

     

  
  


No comments:

Post a Comment