அண்ணல் அம்பேத்கர்

அண்ணல்  அம்பேத்கர்  

தீண்டாமை  என்னும்  பேராலே நடந்த  

ஆதிக்கச்  சக்திகளின்  அட்டூழியத்தை  ஒடுக்க, 

சமஉரிமை, சமவாய்ப்பு, சமஅந்தஸ்து , மறுக்கப்பட்ட 

கேட்பாரற்றுக்கிடந்த  தாழ்த்தப்பட்ட  மக்களுக்காக  

சேற்றிலே  பிறந்த  செந்தாமரைப்  போல் ,  

கல்வி எனும்  கேடயத்தை  அஸ்திரமாய்  அணிந்துக்  கொண்டு 

கீழ்  வான்  உதித்த  கோடி  சூரியன்  போல்   ஒரு 

சாதாரணக்  குடும்பத்தில்  வந்து  பிறந்தார்  

அண்ணல்  அம்பேத்கர்  

ஜாதியின்  பேராலே  அவரைப்  பள்ளியிலே  மற்ற  

மாணவர்களோடு  சேர  விடாமல்  தடுத்து , 

தனியே  அமரவைத்து , குடிப்பதற்கு  தனியே  குவளை 

அமைத்து , தொடர்ந்து  அவமானப்  படுத்திய  போதும் 

கல்விதான்  நம்மையும்  நமது  சமூகத்தையும்  

பாதுகாக்கும்  என்பதால்  அத்தனைக்   கொடுமைகளையும் தாங்கிக்கொண்டார்

ஆரம்பக்கல்வி , உயர்நிலைக்கல்வி ,கல்லூரிப்படிப்பு ,

வெளிநாட்டில்  மேல்நிலைப்படிப்பு , சட்டப்படிப்பு, என 

 படிப்பில்  அடுத்தடுத்த நிலைகளைக்கடந்து  நாடு  

விடுதலைக்குப்பின்  நேருவின்  அமைச்சரவையில்  

சட்டமந்திரியானார்

அரசியல் வல்லுனர்களோடும் , சட்ட  மேதைகளோடும் , 

இணைத்து  அரசியலமைப்புச்  சட்டத்தை  இயற்றினார் 

"நமக்கு  மேலாக  ஒருவருமில்லை  

நம்மை விட  தாழ்ந்தவன்  ஒருவருமில்லை"

"அரசியல்  விடுதலை  பொருளாதார விடுதலை  இதைவிட 

சமூக  விடுதலை  மிகமிக  அவசியமானது "

வாழ்நாள்  முழுவதும்  தாழ்த்தப்பட்ட  மக்களின்  

விடிவெள்ளியாக  வாழ்த்த  அண்ணல்  அம்பேத்கர்  

தன்  வாழ்வின்  மூலம்  சொன்ன   செய்தி 

கல்வி தான்  நமக்கு  உயர்ந்த  அந்தஸ்தைப்  

பெற்றுத்தரும் 

எனவே  எப்பாடுப்பட்டாவது  கல்வியை  

நம்  தலைமுறைக்குக்  கட்டாயமாக்குவோம்

வாழ்க  ! அண்ணல்  அம்பேத்கர் புகழ் !!

--த.சத்தியமூர்த்தி