Saturday, 24 July 2021

Thittamidal

திட்டமிடல்  

அறிவை  வளர்த்துக்கொள்ள  நல்ல  நல்ல 
நூல்களை  நாள்தோறும்  படிக்க  திட்டமிடல்  வேண்டும்

ஆரோக்கியம்  பெருக   நல்ல  நல்ல 
பழக்கங்களை  கை  கொள்ள  திட்டமிடல்  வேண்டும் 

முதுமையில்  மகிழ்ச்சிக்கு  
இளமையில்  திட்டமிடல்  வேண்டும் 

நாட்டின்  வளர்ச்சிக்கு  அரசாங்கம்  நல்ல நல்ல 
திட்டங்களை  உருவாக்க  திட்டமிடல்  வேண்டும் 

செலவைக்  குறைத்து  சேமிப்பை  வளர்க்கும்  நல்ல 
  வாழ்வியலை  கையாள  திட்டமிடல்  வேண்டும் 

வணிகத்தைப்  பெருக்கிக்  கொள்ள  நல்ல  நல்ல  
வாய்ப்புக்களை  ஏற்படுத்த  திட்டமிடல்  வேண்டும் 

வசதியை  அதிகரிக்க  நல்  வழியில்  
வருமானத்தை  அதிகரிக்க  திட்டமிடல்  வேண்டும் 

மக்கள்  எல்லோரும்  ஒன்றுபட்டு  உழைக்க 
நல்லாட்சி  மலர  திட்டமிடல்  வேண்டும் 

ஜனநாயகப்  பண்புகளைப்  பாதுகாக்கும்  நல்ல  
அரசாங்கம்  அமைய  திட்டமிடல்  வேண்டும் 

ஜாதி  மத  பேதங்கள்  கடந்து  சமூக  நீதிக்காக
மக்கள்  திரள  திட்டமிடல்  வேண்டும் 

ஏற்ற  தாழ்வு  இல்லாத  சம  தர்ம  சமுதாயம்  மலர 
இளைய  தலைமுறை  ஒன்றுகூடி  திட்டமிடல்  வேண்டும் 

ஒன்றுபட்டு  எல்லோரும்  ஒற்றுமையாய்  வாழ  நம்முள்
  இருக்கும்  பேதங்கள்  களைய  திட்டமிடல்  வேண்டும் 

மக்களை  மதிக்கின்ற  மக்களாட்சி  மலர்ந்ததென்று 
மகிழ்ச்சியில்  திளைக்க  திட்டமிடல்  வேண்டும் 

-----------------த .சத்தியமூர்த்தி 



 





No comments:

Post a Comment