Saturday, 8 January 2022

Valimai

வலிமை  

உளியின்  வலிமை  சிலையைச்  செதுக்கும் 
கலப்பையின்    வலிமை  விளைச்சலைப்  பெருக்கும் 

நாவின்  வலிமை  புரட்சிக்கு  வித்திடும் 
பேனாவின்  வலிமை ஆட்சி  மாற்றத்திற்கு  அடிகோலிடும் 

காலத்தின்  வலிமை வளர்ச்சியைக்  காட்டும் 
கவிதையின்  வலிமை முக்காலத்தையும்  கடக்கும் 

அழகின்  வலிமை  காண்பவரை  வசப்படுத்தும் 
அறிவின்  வலிமை அரசாட்சி  செய்யும் 

அன்பின்  வலிமை அகிம்சையைப்  போதிக்கும் 
பண்பின்  வலிமை நல்ல  பழக்கத்தை  ஏற்படுத்தும் 

எண்ணத்தின்  வலிமை எதிர்காலத்தை  உருவாக்கும் 
மக்களின்  வலிமை  எதையும்  சாதிக்கும்

இராணுவத்தின் வலிமை தேசத்தைப்  பாதுகாக்கும் 
தேசத்தின்  வலிமை குடிகளை  உயர்த்தும் 

உழைப்பவன்  வலிமை உற்பத்தியைப்  பெருக்கும் 
போராட்டத்தின்  வலிமை  உரிமைக்கு  வழிகாட்டும் 

சர்வாதிகாரியின்  வலிமை  ஜனநாயகத்தைச்  சாகடிக்கும் 
குடியரசின்  வலிமை மக்களை  ஒன்றுபடுத்தும்  

பெண்மையின்  வலிமை  குடும்பத்தைக்   கட்டிக்காக்கும் 
சமூகத்தின் வலிமை  சந்ததியைப்  பாதுகாக்கும் 

ஒற்றுமையின்  வலிமை ஓங்கி  வளர  உதவும் 
ஈகையின்  வலிமை இல்லாமையைப்  போக்கும் 

-----------த .சத்தியமூர்த்தி 

No comments:

Post a Comment