Saturday, 1 January 2022

வசந்தம் வீசும் புத்தாண்டே வருக

 வசந்தம்  வீசும்  புத்தாண்டே  வருக !!

ஆயிரமாயிரம்  நம்பிக்கையோடு 
பூத்தது  புதிய  புத்தாண்டு !!

வசந்தம்  வீசி  வாழ்வில்  இனிமை  சேர்க்க 
வந்து  பிறந்தது  புத்தாண்டு !!

கொரோனா  என்னும்  கொடிய  நோயிலிருந்து 
சமூகம்  விடுபட  மலர்ந்தது  புத்தாண்டு !!

மக்களின்  மனதில்  மகிழ்ச்சி  வெள்ளம்  
கரைபுரண்டோட  கட்டியம்  கூறட்டும்  புத்தாண்டு !!

உழைப்பவர்  வாழ்வில்  உரிமை  மலர்ந்திட 
உதவட்டும்  இந்த  புத்தாண்டு !!

தமிழர்  வாழ்வு   எல்லா  நிலையிலும்  தலை  நிமிர்ந்து 
வீறு  கொண்டு  நடை  போட துவங்கட்டும்  புத்தாண்டு !!

நேர்மையின்  சின்னமாய்  தமிழ்  மக்கள்   
தடைகளைக்  கடந்து  ஓரணியில்  திரள  வாழ்த்தட்டும் புத்தாண்டு !!

இனி  தொட்டதெல்லம்  பொன்னாக  
செல்வமழை  பொழிய  பூக்கட்டும்  புத்தாண்டு !!

இன  உணர்வும் , மொழி  உணர்வும்  தமிழரின் 
இரு  விழியாய்  மலர மலரட்டும்  புத்தாண்டு !!

சமத்துவம்,  சகோதரத்துவம் ,  சமூகநீதி   மூன்றும் 
தமிழரின்  அடையாளமாய்   திகழ  விடியட்டும்  புத்தாண்டு !!

உலகெங்கும்  வாழும்  எம்  தமிழ்க் குடிமக்களுக்கு 
உற்சாகமான   இனிய  புத்தாண்டு  நல்வாழ்த்துக்கள் !!!!

---த .சத்தியமூர்த்தி 

No comments:

Post a Comment