Saturday, 15 January 2022

Pongal

பொங்கல்  

தமிழர்  தம்  திருநாளாம் 
தைப்  பொங்கல்  நன்னாளில் 

ஜாதி, மத ,பேதங்கடந்து 
ஜனங்களெல்லாம்  ஒன்று  சேர்ந்து,

அம்மன்  கோவில்  வாசலிலே  
படையலுடன்  பொங்கலிடு !!

பள்ளி  சென்று  பயிலாதவர்க்கும் 
சமத்துவம்  , சகோதரத்துவம் , சகிப்புத்தன்மையைப்  

பாங்குடன்  கற்றுத்தரும் 
பள்ளி  வாசல்  முன்னாலே  
பொதுவுடைமைப்  பொங்கலிடு !!

உன்னை  நீ  நேசிப்பது  போல ,
பிறரையும்  நேசிக்கக்  கற்றுத்தரும்

தேவாலயம்  முன்னாலே,
 தேனோடு  பால்  கலந்து ,
தெவிட்டாதப்   பொங்கலிடு !!

தமிழர்  திருநாளை  தரணியெங்கும் 
மகிழ்ச்சியோடு  கொண்டாடு !! 

கருப்புச்சட்டங்களை  விவாதமின்றி  நிறைவேற்றி ,
கடந்த  ஓராண்டு  விவசாயிகள்  பட்ட  பாடு  
பெரும்பாடு !! 

உழவர்  திருநாளில்  விவசாயிகளின்  நலன்காக்க 
விழிப்புணர்வோடு  ஒன்றுபட்டு  செயல்படுவோம் 

சகலத்தையும்  அனைவர்க்கும்  பகிர்ந்து  கொடுத்து ,
ஆனந்தம்  பொங்கிடவே   அகிலமுழுவதும்  
பொங்கலிடு !!    இனி 

தமிழர் தம்  வாழ்வில்  
எந்நாளும்  திருநாளாய்  மலர்ந்திடவே,

ஏற்றமிகு  பொன்னான  வாழ்வு  கிடைத்திடவே ,
தேனினும்  இனிய  தமிழாலே  

பொங்கல்  நல்  வாழ்த்துக்கள் கூறும்  அன்பன்  

----த .சத்தியமூர்த்தி   

No comments:

Post a Comment