நீதி எங்கே ?
நீதி என்பது ஆதிக்க வர்க்கத்தின் சட்டைப் பைக்குள்
அடக்க நினைக்கும் கரன்சி நோட்டல்ல
நீதி அறத்தோடு சார்ந்தது , அறம் தர்மத்தோடு இணைந்தது,
அகிலமுழுவதும் வியாபித்துள்ளது , அதனால் தான்
பிரபஞ்சமே சுற்றுகிறது
ஆயிரம் கரங்கள் மறைத்து நின்றாலும் ஆதவன் மறைவதில்லை
அதுபோல,
ஆட்சி அதிகாரம் , ஆதிக்கவர்க்கம், பள்ளிக் கல்வித்துறை ,
காவல் துறை , ஒருசில ஊடகங்கள் , எல்லாம் கை கோர்த்து
பள்ளி நிர்வாகத்தைக் காப்பாற்ற முயன்றாலும்
நீதி தோற்பதில்லை
நீதி கேட்டு போராடினால் உடனே அந்த தாயின் மீதே
அவதூறு பரப்புவது, ஆளை மிரட்டுவது ,
ஜனநாயக நாட்டின் மரபுக்கே கேடு இது .
வழக்கு இன்னும் ஆரம்ப நிலையிலே
குற்றப்பத்திரிக்கை தாக்கல் செய்யவில்லை
சாட்சிகள் இன்னும் விசாரிக்கப்படவில்லை
ஆனால் அதற்குள் வழக்கு முடிந்துவிட்டது
இது வழக்கு விசாரணையை
எப்படி நேர்மையாக நடத்த உதவும்
வானளாவ அதிகாரம் படைத்தவன் இங்கே
அனைத்தையும் முடிவெடுக்கும் ஆண்டவன் தான்
எல்லாரும் உண்மைக்கு , நேர்மையுடன் உழைத்தால் தான்
நீதிகிடைக்கும். ஜனநாயகம் பிழைக்கும் .
த .சத்தியமூர்த்தி
No comments:
Post a Comment